النهارده غير زمان

النهارده غير زمان كل وقت وله ادان

تدى حبك تجنى حبى  تبدى صدك تلقى صدى

زى فعلك يبقى ردى وقد ما  بتدينى   حدى

والنهارده غير زمان

كان زمان قلبك حنين  مهما اعمل فيه ما يقسا

لو خاصمتك ما يبين كان فى نفس اللحظه ينسا

لو تطول الوحده بيا كات عنيك تفضل لى ونسا

لويتوه الشط منى كان فى حضنك الف مرسى

اليومين دول ليه بقيت مش حبيبى بتاع زمان

بالقساوه اتمليت واتردم نهر الحنان

ماتعاتبنى لما اصارحك ولا اقول ضاع الامان

تدى حبك تجنى حبى تبدى صدك تلقى صدى

زى فعلك يبقى ردى وقد ما  بتدينى   حدى

والنهارده غير زمان

النهارده ان كنت افضفض باللى بيا ولا اصارحك

ولا اقول عن حيرتى القى  الكلام عن حيرتى فارحك

لما بسمه خدى تبهت او تشوفنى دقيقه بسرح

ولا دمعه عينى تنزل التقيك فى دموعى تفرح

انت مش انت القديم  اللى قلبه كان كريم

النهارده مش فى صالحك لو خاصمتك مش حصالحك

ماتعاتبنى لو لاقتنى مش بداوى بايدى جرحك

او تلومنى لوماقلبى كان عاطيك نفس الحنان

تدى حبك تجنى حبى  تبدى صدك تلقى صدى

زى فعلك يبقى ردى وقد ما  بتدينى   حدى

والنهارده غير زمان

لو عيونى اتحيرت ولا شمسى اتديرت

ولا تلقى الابتسامه فوق خدودى اتغيرت

كنت ماتنمشى اليالى ان ما رجعت نورت

اليومين دول ليه بقيت مش بتتحمل جروح

والزمان غير ما بيك وابتدا حلوك يروح

تدى حبك تجنى حبى تبدى صدك تلقى صدى

زى فعلك يبقى ردى وقد ما  بتدينى   حدى

والنهارده غير زمان

النهارده لما اقول كلمتين لوم او عتاب

لما هجرانك يطول ولا ياخدك الغياب

مش بتستحمل عنيك منى اى سؤال بسيط

والتقيك تخنق اديك  والتقى قلبك يشيط

و ف ساعتهاعنيك تثور و التقى دمك يفور

والظنون جواك تدور والدموع تسهر فى خدى

تدى حبك تجنى حبى تبدى صدك تلقى صدى

زى فعلك يبقى ردى وقد ما  بتدينى   حدى

والنهارده غير زمان

كان زمان تعمل ما تعمل قلبى كان وياك صبور

تفتكرنى ولا تهمل عمرى ما ازعل ولا اثور

لو حتفضل ع العناد راح تلاقى بنا سور

النهارده الاحتياج للحنان والحب زاد

والسعاده والابتهاج  والمحبه والوداد

النهارده ما فيش علاج  للاسيه والعناد

والغرام مش بالمزاج مره قرب اتنين بعاد

ماتعاتبنى لو لقتنى  مش عاطيك نفس الحنان

تدى حبك تجنى حبى  تبدى صدك تلقى صدى

زى فعلك يبقى ردى وقد ما  بتدينى   حدى

والنهارده غير زمان