كل عام وانتم بخير

عيد راس السنه الهجريه 1434

النهارده تانى ايام عيد الاضحى المبارك

بلدى

بسم الله

كل عام وانتم بخير

ياجمال الورد

كل عام وانتم بخير اليوم ثانى ايام عيد الفطر

الطبيعه الجميله

عبد الناصر باشعار الابنودى

عبد الناصر باشعار الابنودى
الشاعر الكبيرعبدالرحمن الأبنودى .. 
مواويل وتناتيش للذكرى.. 

جمال عبدالناصرالمواويل:

أنا باشكر اللى خلق لى الصوت وأوصانى 

أقول كلام حُرّ.. مايقبلْش لون تانى 

مااسكتش ع الضِّيم واهشّ الغيم بقولة «آه»

وإن سرقوا صوتى.. بينسوا ياخدوا قولة «آه»

فى الفرْح فى الجرح إيه حيلتى إلاّ قولِة «آه»

يحميك يا ولدى وكنت اسكت وتتكلم

يحميك يا ولدى واكون مجروح وتتألم

ياما حرسْت النهار.. آدى النهار.. ضلِم

وإن شفت جرح الوطن جوّه الفؤاد علم

تقول كلام.. ياسلام.. يحيينى من تانى!!

■ ■ ■

أنا كان لى ورْدات عجب.. كبّرتها بايدى

أسقيها بالدمع بالدم اللى فى وريدى

جانى غشيم القدم وداس على ورودى

أخدم جناينى فى بستانى يا ناس إزاى؟

وإن نمت ناسى باقوم فاكر يا ناس إزاى؟

مين مرّر الشاى فى شفايفى وبكى الناى؟

ياليل يابو الهمّ.. تحتك دم.. ما تحاسبو

قوللّى إمتى يا ليل.. وفين حنتحاسب؟

إزاى بلادى تبات ليلة مع الغاصب

وإزاى يدوس وردها.. واقولّه: «ياسيدى؟!

■ ■ ■

مدّ الأمل سِكِّتُه.. وقالِّنا: 

«سيروانصيبكو حيصيبكوا تمشوا والاَّ حتطيروا

عيشوا النهارده الزمن..بكره زمن غيره

آدى أول السكة صوت الضحكة بيلالى

والشمس أمشيلها ألاقيها اللى ما شيالى

ولا حدّ يقدر يعكّر قلبنا الخالى

لكن ومين بكرة يعرف إحنا فين فيها؟

هيه حتدينا والا احنا حندّيها؟

وإيه نصيبنا من الأيام ولياليها؟

غاب الزمن فى الزمن.. واحنا بِلا عزوة

ولا نملك الا نمشى السكة ونسيروا»!!

■ ■ ■

ويا مصْر وان خيّرونى ما اسكن الاَّكى

ولاجْل تتبِّسمى.. يا ما بابات باكى

تسقينى كاس المرار.. وبرضُه باهواكى

بلدى ومالى الّا إنتى ولو ظلمتينى..

مقبولة منِّك جراح قلبى وْدموع عينى

الجرح يشْفَى إذا بإيدك لمستينى..

كلّك حلاوَة.. وكلمة «مصر».. أحلاكى!!

■ ■ ■

التّناتيش:من يمدحُه يطلع خاسر

ويشبَّروله.. أيامهيعيش جمال عبدالناصر

يعيش بصوته وأحلامه

فى قلوب شعوب عبدالناصر

■ ■ ■

مش ناصرى ولا كنت ف يوم

بالذات فى زمنه وف حينه

لكن العفن وفساد القوم

نسّانى حتى زنازينه.. 

 فى سجون عبدالناصر

■ ■ ■

إزاى ينسّينا الحاضر..طعم الأصالة اللى فى صوته؟

يعيش جمال عبدالناصريعيش جمال حتى ف موتُه 

 ما هو مات وعاش عبدالناصر!!

■ ■ ■

إسمه جمال وجميل فعلاً

ياما شفنا شجعان خوّافه

عظيم.. وكان إنسان طبعاً

المجد مش شغل صحافة 

 عشان ده عاش عبدالناصر

■ ■ ■

أعداؤه كرهوه ودى نعمة

مِن كرهُه أعداؤه صادق

فى قلبه كان حاضن أمَّه

ضمير وهمَّة ومبادئ 

 ساكنين فى صوت عبدالناصر

■ ■ ■

ملامحنا.. رجعت بعد غياب

دلوقت بس اللى فهمناه

لا كان حرامى ولا كداب

ولا نهبها مع اللى معاه 

 أنا باحكى عن عبدالناصر

■ ■ ■

عشنا الحياة ويّاه كالحلم

فلا فساد ولا رهن بلاد

يومها انتشينا ثقافة وعلم

وف زمنه ماعشناش آحاد 

 كنا جموع فى زمن ناصر

■ ■ ■

كان الأمل فى خُضرِتُه بِكْر

مافيش لصوص للقوت والمال

ومصر أبطال ورجال فكر

ومثقفين ستات ورجِال

جيوش جمال عبدالناصر

■ ■ ■

كان الهلال فى قلبه صليب

ولا شفنا حزازات فى بلادنا

ولا شُفنا ديب بيطارد ديب

ولا جرَس خاصم مادنة 

 وَحَّدْنا صُوت عبدالناصر

■ ■ ■

دفعنا تمن الحريّة

بدمّ مش بدينار ودولار

يوم وقفته فى «المنشيّة»

خلّى الرصاص يهرب من عار 

 أعداء جمال عبدالناصر

■ ■ ■

رغم الحصار كنا أحرار

وفى الهزيمة الشعب ماجعْش

كان اسمها «بلد الثوار»

وقرار زعيمها مابيرجعْش 

 قرار جمال عبدالناصر

■ ■ ■

خلَّى بلادُه.. أعزّ بلاد

ليها احترام فى الكون مخصوص

لا شفنا وسط رجالُه فساد

ولا خطط سمسرة ولصوص 

 كان الجميع عبدالناصر

■ ■ ■

لولاه ماكنتوا اتعلمتواولا بقيتوا «دراكولا»

ياللى انتو زعما وإنجازكو

دخّلتوا مصر الكوكاكولا 

 وبتشتموا ف عبدالناصر

■ ■ ■

عمره ما جاع فى زمانه فقير

أو مالتقاش دوا للعِلّة

دلوقت لعبةْ «اخطف طير»

والأمة فى خِدْمةْ شِلَّة 

 تكره جمال عبدالناصر

■ ■ ■

يتّريقوا على طوابيرُه

علشان فراخ الجمعية

شوفوا غيره دلوقت وخيرُه

حتى الرغيف بقى أمنيّة

يرحم جمال عبدالناصر!!

■ ■ ■

فيه ناس بتنهب وتسوِّف

لا يهمّها من عاش أو مات

ورضا العدو عنّا يخِوِّف

معناه أكيد إننا قَفَوات

من يوم مامات عبدالناصر!!

■ ■ ■

الأرض رجْعت للإقطاع

وقالوا: «رجعت لصْحابها»

وصاحبَك الفلاح تانى ضاع

ضاعْت العقود واللى كتبها

وخط إيد عبدالناصر!

■ ■ ■

أنا أذكُرك من غير ذكرى

والناس بتفتكرك بخشوع

الأمس واليوم ده وبكره

يبكوك بعظمة مش بدموع

يكفَى نقول: «عبدالناصر»

■ ■ ■

دلوقت رجعوا الفقرا خلاص

سكنوا جحورهم من تانى

رحل معاك زمن الإخلاص

وِجِهْ زمن غير إنسانى 

ماهوش زمن عبدالناصر!!

■ ■ ■

صحينا على زمن الألغاز

يحكمنا فيه «أهل الأعمال»

وللعدو.. صدّرنا الغاز

بفرحة وبكل استهبال 

 نكاية فى عبدالناصر!

■ ■ ■

بنمدها بغاز الأجيال

تحويشةِ الزمن القادم

إتوحَّشوا فْ جمع الأموال

ورجعْنا سادة.. وخوادم 

 ضد اتجاه عبدالناصر

■ ■ ■

يا جمال.. نجيب زيك من فين

يا نار.. يا ثورة.. يا ندهِةْ ناى..

البوسطجى.. إللى اسمه «حسين»- 

أبوك - منين جابك؟ وإزاى.. 

 عمل جمال عبدالناصر؟!

■ ■ ■

لو حاكتبك.. ما تساع أقلام

ولا كلام غالى وأوراق

الأمر وما فيه.. أنا مشتاق

 فقُلتْ امسِّى عليك وأنام 

 نومةْ جمال عبدالناصر!!

من اجمل بلدات العالم المقامه فى حضن جبل

 

 

 

 

 

 

 

 

 

جواب صفحه فلوسكاب

من بعد ماغاب ولاقالش وداع والقلب نساه

جواب فلوسكاب

من بعد ماغاب ولاقالش وداع والقلب نساه
جه منه جواب صفحه فلوسكاب يحكى اللى اساه
وبيشرح فيه عن ايه اسباب لوعته وضناه
وعن المعاناه وايه اللى جناه من طول الغيب عنى وناره
وبيحلف قال من يومها مانال من ليل الشوق الامراره

وحلف لى كمان دور مالقاش من بعدى حبيب
وكمان وكمان  انه مابقاش له بعدى حياه
وانتهى بى الحال صدقت ماقال
وفضلت استنى اتهنى معاه

كان اول سطره واخد على خاطره
من يوم مانده وماردتشى
اول ماقريت له خلانى اشاطره

فى لهيب النار اللى ماهديتشى
احزانه وهمه م البعد وظلمه
وعامل مش همه والشوق كان كاتمه
كان كاتب ليا عن حيرته والمه
ويقولى ياريت مابعدشى وسابنى
وقريت بعنيه ايه كاتب قلمه
اول ماقريت السهم اصابنى
قال لى ياحياتى

مالقتش حياتى من بعد ماسبتك
ولاعودتش قادر

استحمل غيبتك من يوم مافرقتك

انا جاى وناوى
مااسيبك تانى ولااجيب غير سيرتك
وبعت لى كلام كان واصف فيه

لياليه ازاى  كات نار وحروق

من يوم ما فارقته بعدت عليه

بيبات غرقان فى بحور الشوق
مالقاش المينا ولا اى سفينه ترمى له الطوق
ورجع لى بيندم وحلف لى بعمره تانى ماحيغيب
ولايبعد عنى علشان ماقابلشى من بعدى حبيب
ووعدنى وقال ماحسيبك تانى وحتنىّّّ قريب
وفتح لى فى قلبه ولقيت فى مطالبه
منك يازمانى كل اللى انا طالبه
ولقيت امانيه تشبه امانيا

انا حرجع ليه وحيرجع ليا
حنيت انا ليه ونويت اناديه
وبقيت اناجيه مشتاق لهواه

والقلب الاقيه راح يجرى عليه

ولااعرف مين لمكانه وداه

من اول سطر كلامه عجبنى

من اول سطر قدر يكسبنى
والحب وصل لى من اول سطر
ونسيت ماحصل لى من اول سطر
وانتهى بى الحال صدقت ماقال
وفضلت استنى اتهنى معاه
وف نص جوابه جت نسمه وهلت بعبيره وعطره

والفرحه اترسمت وعيونى ابتسمت لكلامه وخواطره
ماقدرتش اقرا فى كلامه بقيته

من فرحتى لما محسبته لقيته
وكفايه عليا ماقريته كفايه

وسؤاله عليا كدا عندى كفايه
انده ياحبيبى على طول حتلاقى

قلبى هوا يجيلك ومعاه اشواقى

واشعل قناديلك انا جايه اناديلك
علشان نتهنى بالعمر الباقى
والحب وصل لى من اول سطر
ونسيت ماحصل لى من اول سطر
والقلب اتاريه كان لسه شاريه
راح يجرى عليه اول مالقاه

مادرتش انا بيه ولاايه موديه

ولااعرف مين لمكانه وراه
وانتهى بى الحال صدقت ما قال

وفضلت استنى اتهنى معاه

كان باقى كلامه  احلام وامانى  عن بكره وبعده

وكلام خلانى  ارجع من تانى   ماقدر على بعده
مليان بأغانى   نسانى احزانى  وحلفت لواعده

والقلب ياسعده
لقى مين حيساعده

ونسيت يازمانى مين ظلم التانى
مين كان الجانى

ونويت برضو انسى يوم
لما وعدنى وهجر ولاجانى
راح اسيب الدنيا عشان اقابلك
ونا عارف اكيد حيجيلى ملام
ون جيت ولقتنى هناك قابلك

احكى على طول ماتقولشى سلام

ماتضيع ثانيه وحسمع لك

واقولك عيد يابو احلى كلام .