انا الغلطان

بتدلع عليا كتير...ومش لاقى لدا تفسير غيرانى .. انا الغلطان ..

لانى قضيت سنين وسنين ..عاطيك فى حنين..وع الحنيه عودتك

ولو قلبى ..طاوعنى زمان.. وبدأ هجران ..

وهنت عليه.. ما خاف احزان..لكان من بدرى توبتـك

عطيتك حب ..ورغم الحب ..ما خدتش زى  ماديتك

وكنت بجيك ..وسيب الكون..ندمت ياريتنى ما جيتك

بديت تقسى وتتدلل.. وتتحجج وتتعلل

كأنى لسه فى حبك.. فى اول خطوه مالمشوار

كأن زمانى ونا جنبك .. ماعدّا شى ولف ودار

هاجرنى واقول لنفسى حلول

اقول يمكن عناده يزول.. اقول يمكن جفاه ما يطول

وفى الاخر انا الغلطان..لانى قضيت.. سنين وسنين

عاطيك فى حنين ..وع الحنيه عودتك

ولو قلبى... طاوعنى زمان.... و بدأ هجران .

وهنت عليه.. ما خاف احزان. لكان من بدرى توبتـك

كتيروياما مسحت دموع...   كانت بتسيل على خـدك

وف عزقلبى ما كان موجوع..انا برضه جيتك واخدتك

جوه مابين قلبى و حضنى.. و كنت فاكرك  ح تاخدنى

بنفس اللهفه والترحاب..   عشان  كنا فى يوم احباب

مالقيتش منك غيرنسيان..   مالقيتش منك غير نكران

وفى الاخر انا الغلطان..  لانى قضيت.. سنين وسنين

عاطيك فى حنين ..وع الحنيه عودتك

ولو قلبى ..طاوعنى زمان ...وبدأ هجران ..

وهنت عليه..ما خاف احزان.. لكان من بدرى توبتـك