صحافه مصر بتسميه شاطر محمود

 

صحافه مصر بتسميه شاطر محمود

عشان ادى اداء عالى ما لهش حدود

من اللحظه اللى قدم فيها امل و عهود

وعد بيها ونفذها وكنا شهود

خلال فتره نقول عنها زمن محدود

حفر اسمه فى وجدانا وكان موجود

وقام بالدور كما انزل وكان منه الاداء محمود

وقال واجبى وده دورى ودا عملى انا ما بجود

شاطر محمود  ياحلقه ف سلسله رؤساء

لبنك عظيم بيجمعهم تفانى اداء وجهد عظيم

مافيش واحد بخل عنه ولا مره شكا المعناه

ودا طبعا وضح منه وكان رمزه وكان معناه

تألق بنكنا هو بدون الشك كل مناه

حلقته الاولى كات راجل عظيم فارس

قالولوا البنك اتمصريادوبك بس من مارس

وعيناك عليه ريس تعالى ابدأ بقى ومارس

ولالقينا خبير زيك حييبقى الراعى والحارس

ولك فى العلم والخبره تلامذه وجامعه ومدارس

وجيت ياجريتلى وريتنا وكل البنك كان لامس

ماعودنا ف حاجه لخواجه ولا الاول ولا الخامس

وجيت رتبت اوراقه وابنائه اهم راقوا

لكن ما كملش مشوارك نهيت الوقت بفراقه

ولسه الاسم بيرفرف وزيك فين بقى يلاقوا

 

وجه جامع فرحنا بيه وكنا ف وقت عاوزينه

وكان شخصيه جذابه وفيه جديه بتزينه

ولا كان حد بيهمه وخللا الكل يتلموا

ومين مابيعجبه دمه صدر له قرار بتخزينه

ولا كان ده بيزعجنا عشان الكل فاهمينه

ورتب بيتنا م الداخل وخلا الشغل عاد ساهل

ووسع ايده فى الهيكل وادى الناس ما تستاهل

وكم حاول ينطقنا وكان دايما بحالنا شغوف

وقام زود حوافزنا بقى يوزع علينا ظروف

كتيرحاول يرقينا وخلا الناس فى احلى ظروف

وكل ما يلتقى ميزه وكل ما عينه بس تشوف

حاجه بتنفع لابنائه قوام يؤمر بوضع كشوف

عشان الكل يتقدم وخيره للجميع مكشوف

وجه عبد الكريم حاول يمد اديه لنوابه

عشان هما ولاد البنك لكن ما حكيش ولا اقولك

عن اللى جناه وايه نابه وحاله ايه وحال البنك

كتير حاول بمجهوده يصالح سعد على مسعود

لكن لتنين ناكر ونكير سوا اخدوه طريق مسدود

ولم ينفع ما بينهم ود ونص العهد اكله الدود

وفى عهده اتنشأ صندوق وكان اول ما فى الصناديق

لاى عميل يكون خايف من البورصه ومنها قلوق

شوفوه ازاى بين الصناديق وثيقته اليوم بتعلى لفوق

وجه محمود شهير بعمر وقولنا قوام عمر ياسلام

دا عهد الغرب فر و مر وابن البنك رجع بسلام

ادينا باديه ح يحلى المر رمينا عليه باحلى سلام

دعينا لمين كان اختاره وقولنا حنلقى عهد سلام

دا راجل عاليه افكاره وبيقول لينا احلى كلام

سخى على مين ولاد كاره ولما يقل راح يتلام

وخيره ما نرضى انكاره خصوصا لو كانت احلام

وعشق البنك فى قلبه ويستحمل عشانه الام

وجانا الخير مع قدومه معاه دوّر فى البورصه

و اول مين عطا الفرصه ققال ياولاد بقى وقوموا

ونا وياكو و معاكو انا عايزاشوف جرأه

وقراركو دا من جواكو لو كان بخير فيه حتعومو

ون كان ضرر يبقالى كلام

قضيتو كانت التدريب سعادته لما نروح بعثات

وكان ودود وتمللى حريص على جمع نخبه من المدرين

كام نوبه خاض دفعه وزقه ولقينا ناسنا بتترقا

م الساعى حتى اخرسواق ولحد عندى وقال لأه

مره تانيه يكون فيها مين يبدأاسمه بحرف الراء

ماجريت شكيت ولا اهتميت ولا خادت يومها ولا اجراء

ماكتير اسيت م الظلم كتير و صبرت ياما بقلب كبير

ولما اشوف شىء مش مألوف مايقولش بقى اى كلام

وبقول سلام محمود ياعمر

وكان بيحب يتمحلس فى كل قرار يكون واخده

يقول للعرض ع المجلس وورق الجلسه على فخده

ما يجرؤشى ولا واحد يعارضه اويقول يوم لأ

لكن يجرى على الباطل وشايفه عيونه فين الحق

يخاف على نفسه يتبهدل ومسمار نعشه فيه يندق

يخاف ع الكرس من تحته لو ما وافقشى راح يتزق

ساعتها يقول ادى عنيكو ودا اللى جرالى ويا النق

 

 

طول مافيه ف الدنيا حب فيه فراق وفيه عزول

بس لو نعرف نحب الخطر منهم يزول

دى المحـبه بحرهـا لو غويط ولا غــريق

من جمالهـا وسحرها يحلى فيـه برضه النزول

انت لو تقدر تعيش طير سعيد بجناح وريش

يملى الكون دا بغناه وفرحتـه ما تنتهيش

راح تلاقى دنيتــك من جمالها جنتـــك

والليالى الحلوه جت وبشوقها ليك استنتك

دى المحـبه بحرهـا لو غويط ولا غــريق

من جمالهـا وسحرها يحلى فيـه برضه النزول

بس لو تعرف تحـــب

انت لو تعرف تحب الحياه ودنــيا البشر

واللى مقسوم ترضى بيه لو بخير ولا بشــر

تلقى قلبك انشرح والدموع تقلب فرح

والدقايق الحزينه من ساعاتك تنطرح

دى المحبه بحرهـــا لو غويط ولا غريــق

من جمالها وسحرهـا يحلى فـيه برضه النزول

بس لو تعرف تحــــب 

 

كنت زيك عمال اقول نفس الكلام اللى انت قاعد من ساعتها تلملمه
كنت زيك كات عيونى لما تلمح طلعته اوطلته كانوا يرقصوا ويهللوا
كنت زيك بحسب ان الدنيا ملكى وان عمرى ح يبتدى من اوله
كنت زيك اتوهمت بانى عايش جوه جنه واللى عايزه الملايكه بتعمله
كنت زيك اتصدمت
ف يوم صحيت مالتقيت غير قلب عايش ويا جرح بيالمه
كنت زيك بس كان الفرق بنا انى متوقع دا كله بس برضو بكمله
كنت عارف ايه ح يحصل وبرضه قلت معلمين ما اتعلمو
ياما عشت سنين احزر فيك ياقلبى
وياما عشت اترجى فيك واقول لك
خلى بالك ما تأمنشى للكلام دا ورقته
والجواب اللى انت واخده من حبيبك
قبل مامشى وعنك ابعد
روح وبله ثم اشرب ميته

ايام لما كنا صغار

ياصبار ياصبار فاكر لما كنا صغار
وقلوبنا لسه بتتفتح زى الورد في شهر ازار
ونزورك واحنا بنتفسح ونسهى عيون الزوار
وبنحفرعلى سطح ورقتك أول حرفين من أسامينا
وتاريخ ذكرى لقانا سوا وكل ما بنا من اسرار
والحكايات  والروايات والاشعار بحنا وقولنا ما خفنا مرارك
يكسى كلامنا الحلو مرار

ايام لما كنا صغار وبنحتار على مين نحكى له
عاللى مالينا من اسرار جينا فوقيك ورسمنا قلوب
فايت بين احضانها سهوم قلب حبيب ومعاه محبوب
فوقهم سما  وقمر  ونجوم كنا بلابل ما بنهداش
طايره تغنىٍّ على الاعشاش
جه تحتيها الحب قعد جه عندها الهوى ما مشاش
عشنا ربيع بعده ما شفناش نور بسمتنا بيضوى نهار
كانت صافيه قلوبنا ساعتها كانت بكر وعايشه بريئه
ولا صاد فتش رياح وعواصف عاشت بين امواجها غريقه
لفِّت بينا الدنيا القاسيه هدّت حيلنا من المشوار
بعد ما كنا الورده الحلوه فقنا عليك في المر مرار

ياما كتبنا عليك مواضيع كنا بنحسب يوم حتضيع
كل ما نرجع نلقى كلامنا بان ووضح مع كل ربيع
فيه قسمــــتنا
وفيه بسمــتنا
وفيه ضحكتنا
وفيه فرحــتنا
كنا بنفرح والافكار بدرى ولسه اوانها ما جاش
كنا بنضحك والاحزان يفصل بنا وبينها جـدار
لفِّت بينا الدنيا القاسيه هدّت حيلنا من المشوار
بعد ما كنَّاالورده الحلوه فقنا عليك فى المر مرار

لو فات عاشق يوم وسمعنا كان بيردد نفس المعنى
وبيحكيلك سره معانا عارف ان الورقه تسعنا
ويفوت غيره وغيره وغيره عاشق سابك ورجع غيره
تفضل شايل يا صبار كل ما بين الاحباب دار
انا دلوقتى راجع لك تانى يمكن انسى معاك اشجانى
جيت عشان اكتب فوقك شكوى اصل حبيبى هجر ونسانـى
جيت عشان أروى بدمعى ورقتك
 أصلى عشقتك ساعة فرحى وف احزانى
علشان انت اعز حبيب
و بشكل عجيب بتطمن لكلما أواجه غدر زمانى

فهمت لعبك يالفندى وياما شفت حاجات من دى

مش انت اول مين قاللى يا احلى م المنجه الهندى

عشاق كتير قابليك قالوا وميلوا قلبى ومالوا

اسأللى قلبك ايه ماله والا حبدأ اهماله

تبص لى بطراطيف عينك يقوم غرام بينى وبينك

ولما قلبى يدوب فى هواك وينشغل البال وياك

تسيبنى افضل استناك واحتار و اسأل انا فينك

هدتنى ورده ورا ورده عشان احن عليك وارضى

وبات مع الافكار شارده وطير ورفرف ونا فارده

جناحى فوقك وحقرب ومد ايدى واطبطب

ولم احن وروح عارضه عليك هوايا بتتهرب

قالولى اوعى تأمنى لحد وخلى دايما للشوق حد

وقبل ما حيعندك حد تروحى سابقاه وتعاندى

وفاهمه لعبك يالفندى و اللى عايزنى ييجى عندى

امى الحبيبه من غربتى بهدى اليكى سلام خصوص

امى الحبيبه

من غربتى

بهدى اليكى سلام خصوص

كتبت لك عنوان ب لحمر

من دم قلبى اللى ملا تَلَتْ كئووس

الدنيا دى لو اساور من دهب

انتى جواها الفصوص

ان جاتنى صورتك في المنام

اتنفض احضن وابوس

واشيل جميلك ع الرؤوس

يا للى اسمك احلى غنوه عرفتها

ودرستها فى كتاب نصوص

وتبان لى صورتك في الزحام

فى كتاب تاريخ ابتسم

وبصبعى أشاور

شايفين يا ناس اهيه مصر

ادى المغول ، وادى التتار

وادى الهكسوس

واسمع في اسمك افتكر

الصافى فيكى والعكر

واللى جحد ، واللى شكر

واللى اعترف ، واللى نكر

واللى م الأوهام سكر

اسمع فى اسمك افتكر

شكل الهرم ، اهل الكرم

لون السما ، طـــين البلـــد

همـس الودع ، عـرق الجدع

واحـد اخترع ، واحـد ابتـدع

واحـد انخدع ، واحـد اتلـدع

وحاجات بدع

صـوت المكن

جــرى التروس ، ضـرب الفئوس

سطو اللصوص

صـمت الامــان ، صـــوت الادان

شمس الصباح ، شبــح الظـــلام

نــــور الفانوس

شكل الطابور ، ساعة الزحام

شدو الطيور ، رقد الحمام

مشى الطاووس ، قرص الناموس

صوت الناقوس ، ضعف النفوس

وحاجات كتير ، كتير ، كتير

تحتاج قاموس

توقيع : ابنك المحروس

ليه كل واحد ليه بيقول يانفسى وبس
وتجيلها داهيه الدنيا مادمت لم اتمس
انا والطوفان بعديه شوف حجم حب النفس

ولا حد بيقول جارى غايب وما له حس
ولا اخ متدارى اخواته عنه تعس
الكل هجر الكل والحب ثمنه ابخس


ان جيت ياناس للجد
ماحد بيشيل حد
وتشوف فى ساعه الجد
كل الببان تتسد
كل الودان تتسد لايبان خبر ولا حس

يسمع صراخ جاره ما يفوتش باب داره
ليقل مقداره يهرب ولا يندس

لاحد فات ولا طل حتى السؤال ابطل
والاشتياق اعطل والود قل وخس

قصر الغرام راح ليه اتقام مكانه شاليه
والعشق حطوا عليه ممنوع علينا اللمس

الحب مات وخلاص دفنوه فى كام بلاص
اصله مع الاخلاص مواليد فى ساعه نحس

لوشىء بيحتاج دور بيكون انا الاول
لو حد كان مضرور يبقى انت فى الاول
شوف حجم حب النفس

بيغنوا قال للحب بكلام اكيد كداب
ما خلاص زمان الحب
ولا عادش فيه احباب
والود ما بينحس

والشوق ما عاد ينشاف
لامع البخار ولاجاف
ولا عادش بناخلاف الدنيا ليا وبس

الكل بيردد
انا مالى يا عمى
كان مين نعا همى
خلينى مع نفسى يا شاهمتى اتلمى

اردب ماهو ليك ماتجيش ساعه كيله
يملا العفر معاليك وحيتعبك شيله
حتى المثل ياناس مليان بحب النفس

لكن بعلو الصوت ح اصرخ ونا مبسوط
فيك الامل محطوط ياصاحبى ما تيأس
فى الكون اكيد لسه
الخير طالع له حس

بيقولوا جميل ولا احلى قمر

وبقول انا لأ دا يساوى قمرين

ولو ان هواك يوم لما امر

ورانى معاك اللى امرين

المر الاول كان فى لقاك

كان صعب ومتعب هنا وهناك

كنا بنقضيه فى خصام وعراك

ولا كنا ف شىء سوا متفقين

بيعدى لقانا نعيد ونقول

فى كلام متعاد وكلام منقول

على ده معقول ودا مش معقول

ام المتعاز فعليه مارين

ون قالوا عليك ولا احلى قمر

راح اقول انا لأ دايساوى قمرين

ولو ان هواك يوم لما امر

ورانى معاك اللى امرين

المر التانى كان فى جفاك

ونا قاعده لوحدى استناك

ولو ان هواك ورانى المر

انما دا جفاك كان طعمه امر

مليان نسيان حرمان توهان

استنى عليك تسأل ولا هان

ونسيت ايام وليالى هواك

وساعه ما بدأت عاشق ولهان

مليان بغياب من غير موضوع

وبعاد وخصام وفراق ورجوع

وبرغم سؤالى يوماتى عليك

بتسيبنى اعيش بعدك موجوع

ون قالوا عليك ولا احلى قمر

راح اقول انا لأ دايساوى قمرين

ولو ان هواك يوم لما امر

ورانى معاك اللى امرين

بالتدريج الله يهديك اهجر فيا و ابعد عنى وسيبنى ياروح ا لروح ا جافيك بالتدريج الله يهديك و ما تكسرشى ا لقلب العايش عمره يحبك ويموت فيك

بالتدريج   الله يهديك   اهجر فيا و ابعد عنى

وسيبنى ياروح ا لروح ا جافيك

 بالتدريج الله يهديك   و ما تكسرشى ا لقلب العايش

عمره يحبك ويموت فيك

مش بالساهل اصدق انك فاكر لسه هنا ليا ليا وكل ما ليا ما بين ا لبومك

مش بالساهل اصدق انك عايز تبعد  كدا من نفسك ويضيع نومك

لما بعا تبك ولاّ بلومك  علشان شايف ده مش طابعك ولا كان فيك

وبالتدريج   الله يهديك   اهجر فيا و ابعد عنى

وسيبنى ياروح ا لروح ا جافيك

 بالتدريج الله يهديك   و ما تكسرشى ا لقلب العايش

عمره يحبك ويموت فيك

كنت لو ابعد ولا اسألشى  بتسبق انت وتعرف فينى

كنت عا طينى فوق انا ما طلب  لما حنانك فاض كفينى

اجى اخاصمك ملقاش فرصه  كنت تحوط و تدفينى

عايز تنهى انا مش ما نعك

عايز تبعد انا مش جابرك

بس ياروحى استخدم صبرك

وبالتدريج   الله يهديك   اهجر فيا و ابعد عنى

وسيبنى ياروح ا لروح ا جافيك

 بالتدريج الله يهديك   و ما تكسرشى ا لقلب العايش

عمره يحبك ويموت فيك

بالامانه بالامانه وزى ما تعودت اقولك

بالامانه بالامانه

وزى ما تعودت اقولك

كل حاجه بالامانه

كنت فاكر ان حبك

كان مجرد سد خانه

شىء موقت راح يعدى

زى سحابه دخانه

بس أقولك بالامانه

التقيتك قلبك لجرحى

الطبيب و الاجزخاته

وابتسامه من شفايفك

كل يوم ازداد تخانه

وبالامانه بالامانه

كنت ماحسبش ان ليا

جوه قلبك دى المكانه

كل يوم تثبت لى انك

ياحبيبى حلم عمرى

وانت جنبى اليوم بيحلى

ويا بعدك بلقى مرى

لو تعود بينا اليالى

حترجى فيها ما تمرى

كنت بحسب ان حبك

كان مجرد سد خانه

كنت ماحسبش ان ليا

جوه قلبك دى المكانه

وابتسامه من خدودك

الطبيب والاجزخانه

كل ما بتنده عليا

وتقول شفايفك ياحبيبى

القى قلبى يطير يرفرف

واتقتل لما تغيبى

اصلى ويّا العشق باعبد

هو دا فى الحب عيبى

كنت فاكر ان حبك

كان مجرد سد خانه

كنت م حسبش ان ليا

جوه قلبك دى المكانه

و ابتسامه من خدودك

الطبيب والاجزخانه

عايز اقولك بالامانه

التقيت حبك فريد

لما عشته بقيت كانى

لسه مولود من جديد

كل يوم بيعدى وانت

جنب منى بيبقى عيد

كنت فاكر ان حبك

كان مجرد سد خانه

اصل م حسبش ان ليا

جوه قلبك دى المكانه

وابتسامه من خدودك

الطبيب و الاجزخانه

أيـ يـ يـ يـ يـ ـه دنيا

أيـ يـ يـ يـ يـ ـه دنيا

مليان الكون000مليان امثال

ناس عالقمه00وناس فى الديل

ياما فيك يا زمان0اشكال والوان

ناس مالحرمان 00بتقاسى الويل

لبياضهم لون00 ونهارهم ليل

ويادوب الدوب00عايشين بالحيل

مايشوفوا ربيع00وحياه بتضيع

مايشوفوا النور من حتى هلال

عايشين مجاريح00مجاريح بصحيح

شايلين الهم تلال وتلال

ولا حدش حس

ولا شاف ولا بص

ولا قال عن حالهم يوم موال

*****

يامافيك يازمان 00 اشكال والوان

من ناس البخت خذلها ومال

شايفين اهوال00شايلين احمال

وضهورهم مالت م الاتقال

بالدسته عيال 00وعيال لعيال

لاحيلتهم بيت00ولاغيط00ولامال

ايام بتفوت00طافحين الكوت

مابتملك شىء الا الاهمال

مابيكفى القوت00م الجوع حتموت

عايشين والحال على قد الحال

صابرين وجمال00صامدين و جبال

ولا تسمع قول00 من بين شفايفهم يوم يتقال

ولا حدش حس ولاشاف ولا بص

ولا قالش فى يوم عنهم موال

ياما ويا الريح00راحت مجاريح

ضاعت احلامها وامانيها

كتموا الاحساس00ماشتكوا للناس

شكواهم مين يسمع فيها

عارفين الناس 00وقلوب الناس

مليانه وفيها ما يكفيها

عاشوا المساكين00ايام وسنين

قصتهم و لا حد راويها

ولا حدش حس ولا شاف و لا بص

ولا قال عن حالهم يوم موال

*******

ياما ويا الليل00فيه ناس بتبات

مش لاقيه الفرش اللى بتحتاج

وتبات بتئن00ولا حد يحن

ولا ايد بتقدم ليها علاج

مش عايزه تزن00وسابوها ترن

وبتدعى المولى يجيب افراج

والعيا بيهد00مش راضيه تمد

فى اديها لغيرها من الاحراج

ولا حدش حس ولا شاف ولا بص

ولا قال عن حالهم يوم موال

********

ملايين نايمين00على ارض بلاط

وغطاهم كان بس حصيره

وعيون باكيين00ولا فادش عياط

عين وبصيره 00ايد وقصيره

للله شاكيين00من غير اصوات

ولاهم طالبن غير تصبيره

وياريت لاقيين 00من قلب حنين

ولا حتى دموع عين الصيره

ولا حدش حس ولا شاف ولابص

ولا قال عن حالهم يوم موال

*******

ودى ناس بتعيش00ربك مارضيش

غير يديها كل ما تحتاج

هو الرزاق00وبدون تحويش

اموالها بتملا جميع لدراج

ورمالها كنوز00 ابخات وحظوظ

عايشين ومزاجهم احلى مزاج

من غير ماتعوز00فى مسابقه تفوز

وبيخسر دايما المحتاج

وزمانها ودود00وكمان ميت عود

فى عنيك ياحسود

لو شفت دجاجها 00مش اى دجاج

فى دهب بيبيض 00لو حتى مريض

والبيض شغال امواج امواج

وبتعمل بيه00معلقه للبيه

الطفل عشان ينسى الازعاج

علشان يتربى 00زى الكبّه

وهى فى بقّه بدال العاج

ملحوظه

اناعندى معلقه صاج

وف قلب القصر00بتلاقى موجود

خدّام م البيض 00وخدم م السود

وحشم و عبيد 00افواج افواج

ولا حدش حس ولاشاف ولابص

ولا قال عن حالهم يوم موال

وادى ناس بتعيش00اكلها تحابيش

ولحوم وطيور00وكبد عصفور

ودنادى بريش00ا ومن غير ريش

كفيار00وسيمون 00وفيميه

وحاجات ما عرفش انا ايه

انا بسمع كدا بس مادقتوش

والحلو ياميش00وعصيروخشاف00وفروته سلاط

ملحوظه

انا ماعرفشى غير خضره سلاط

واخدها ساعات كدا بالشروه

وابويا لحد ما سابنا ومات

كان بيخاف من ابو فروه !! انتهت الملحوظه

واللوز والجوز بين الوجبات

منجه وتفاح مايضرش هات

وتعالى ياتوتوشويه نخش

نتفرج حبه ايه فى الدش

هات الروموتات00هات القنوات

هات لنا واحده فيها الفايده

ابعد ايدك عاللى مش

اما النوم 00والتأييل00ماتقولليش

فى سرير كرانيش ومخدات ريش

والقطن سفنج

بتنام وكأنك واخد بنج

والاوضه تلف

و العقل فاضل له دقيقه ويخف

عن اذنك بس دقيقه ونص

على بال ما تحس

وتشوف وتبص وتغنى عليهم كام موال