الايام بتداوى الجرح
المأساوى
ليه توجع فى دماغك الدنيا ما بتساوى
مهما كلامهم سمك اوعك تحرق دمك
سيب ورا منك همك كل بطيخ نمساوى
خدت ف ضهرك خنجر قول مش دم دا بنجر
واصرف برضو وفنجر فرق عيش وكلاوى
عشت فى مره خيانه اقفل د يّه الخانه
روح اقرب سلخانه ادبح وتروح شاوى
مريت يوم بخديعه من
انسانه وضيعه
مهما تشوفها فظيعه ما تروح بوزك لاوى
لوصاحبك وزميلك انكر
كل جميلك
ماتبلش منديلك ولا تعملشى حكاوى
ماشى وتاه
مشوارك اقعد كل ف فشارك
ما تسنش منشارك واسمع اى غناوى
لو طبقت الوصفه واتجنبت العاصفه
تلقى دماغك تصفا بس اشوفك ناوى !!
ليست هناك تعليقات:
إرسال تعليق