حكايتى مع البورصة
ايام زمان في السبعينات ساعة م جانا الانفتاح
يومها قولنا السوق يا ناس حيكون خلاص سداح مداح
وبنفتكرقال كل شىء بين الادين حيكون متاح
واى شىْء ممنوع عليك راح تلتقيه رجع مباح
ايام ما كان عبد الحليم بيطير لفوق من غير جناح
وكان ساعتها الخطوه بينه وبين حبيب الروح براح
في دى الليالى ودى السنين والناس خلاص مش قلقانين
لمحت ناس راحو بسكات على الدولاب جابوا الشوال
وفكوا حرفه من الدوبار ونفضوا عنه الغبار
وقسموه بالات بالات وغيروا كل العادات
وراحو بيه يشوفوا سوق يحمى الفلوس من اى سوء
سوق فيه بتكسب ميت جنيه لو راح تحط اثنين جنيه
قعدت احلم مع نفسى وقطع في خيوط يأسى
واقول يمكن دا خير جانى وهل عليا مجانى
خلاص راح تلعب البليه وتضحك دنيتى ليا
سوق اسمه بورصة الاوراق يتقابلوا فيه سوا العشاق
ونا من طيبتى وعبطتى جريت رهوان على بلاطتى
وخدت ما شيلته تحتيها عشان انعم بدى الفرصة
ورحت سحبت م التوفير بدون انذار ولا تفكير
ما خفتش لو خسرت كتير ولا فكرت في القرصة
ودايع فك وهات م البك
وزى ما قالوا لما تفك ما حتسك
لاخفت احتاس ولا انداس ولا فكرت زى الناس
وجه خناس ووشوش ليا في ودانى بكل حماس
اخدنى بعيد وودانى وقاللى الفرصة بين ايديك
وان ضاعت يا نورعينى تكون انت بقى الجانى
جريت بفلوسى ع البورصة وقلت لاحت لك الفرصة
فلوس بالزوفة حتجيلك يقيد الحظ قنديلك
وفاتحة الدنيا احضانها وراح تغرف وتديلك
وقلت إدخل ما تسألشى بلاش سمسار بقى وبتاع
خد الخبره خد العبره يا من شارى يا من بياع
واتعلم وروح افهم من البايعين يا م الشاريين
ما هي البورصة لبعض الناس بقت كالدم في الشرايين
دخلت اسمع بقيت اجمع يقولوا حديد
وسهم جديد وربح اكيد اجيب ميات
وده سجاد ونساجون كما المجنون اجيب الوفات
يقولوا سهم اعلامى وحيحقق لى احلامى
اخش عليه ونا حامى
احط سيجار على بقى كانى بقيت حسن كامى
وده محمول ما لوش ديه ما تاخد حبه دا هديه
وده اسمنت عامريه ورقته جامده وعفيه
اعاند نفسى والنيه واروح شارى كذا ميه
وده شرقيه للدخان وحيولع بدون دخان
بيجرى عليه بتوع بره سوى المان سوى اسبان
اروح جارى على البياع اسيب الاسم والعنوان
يقولوا بنوك واسمنتات وادى سماد وكيماويات
وده تشييد ودا مقاولات اقول ع البركه عد وهات
يقولو قطن ومكابس يقولوا غزل وملابس
اقول ماشى واروح كابس
ودول حبة ورق ورخيص حيضرب فوق وصاحبه يهيص
اقول واللا لكون شارى ولو حتى كلام تهجيص
واجمع كل ما اطولوا وادفع زى ما يقولوا
وضاع من عمرى ياما وفات وصارف ع الورق الوفات
ولما احسب طلعت بكام ولما احسب صافي الكوبونات
الاقى فلوسى اتقلت الاقى اديه اتشلت
ولسه بعاني مشكلتى ومشكلتى ولا اتحلت ً
فزورة حلها البورصة
سـوق ساعات يحلى ساعات بيسوء
وعايز فن لما تسوق
يابيكافأك وتربح فيه يا تاخد منه احلى خزوق
يدور على كيفه ومزاجه وتهرب منه تحتاجه
ومهما تسد ابوابه بيفتح تانى ادراجه
ويوم ما بيشكى من عله بتجرى قوام على علاجه
في يوم يبقي كريم خالص يفرق
حبه من خيره ولو يخلص يجيب غيره
ويوم يبقي بخيل ايحه يقدم قهوه يا ساده
يا اما يا دوب على الريحه
ساعات يعلى لفوق خالص ويدّى البعض تفريحه
وبسمه حلوه ومريحه
ويرجع تانى يوم ينزل ويلعب بيك فشر شيحا
ويتمختر طالع نازل تقولشى الحلو مرجيحه
ويوم ينزل ما يطلعشى يضرساعتها بشريحه
تبات زعلانه وجريحه
وناس ثانيه تقوم شاريه وبين الثانيه والتانيه
تعوم في فلوسها سبيحه
ساعات يديها ترييحه لا طالع فوق ولا نازل
يصيب فرحتنا بزلازل
ومهما تداعبه وتغازله بيرفض انه يتغازل
لا نافع فيه نيودلهى ولا لندن ولا بازل
خلاص صمم على الركنه تموت الحركه والساكنه
وتبقي الفاتحه فيه داكنه
واخباره اللى نسمعها تلخبطنا وتربكنا تبرجلنا تلعبكنا
ويبدأ خوف يشكشكنا على فلوسنا
اللى فيه ساكنه لتتدمر مع الراكنه
ومهما نكون جمال صابره بنوصل اننا بركنا
م اصله سوق ساعات يحلى ساعات بيسوء
وعايز فن لما تسوق
يابيكافأك وتربح فيه يا تاخد منه احلى خذوق
مع البورصة
كبعض الناس لانا واعى ولا فاهم
وزى الناس ابات الليل ونا واهم
انام واصحى الاقى حد بينادى
ولما اصحى يقوللى تعالى يا مساهم
ورقتك نازله في البورصة تعالى وبص على الشاشه
تبيع بخساره يافندى يا إما تشيلها كالباشا
حلاقي الخوف يوقفنى واحنا قلوبنا كشاشاه
اقول لأه بلاش احسن وخلى البيعه يوم تانى
اروح والهم طايلنى على صحابى وخلانى
الاقي الهم طايلهم كما طالنى وخلانى
سنين بندم على حظى مع البورصة وسوق المال
ما كنت بعيش نفوخ رايق وحالى زين وعال العال
بنام فايق واقوم فايق ولا فكرت في الترحال
مع الاسهم بديت اقلق واتغير قوام الحال
بنام الليل ونا صاحى اعالج فيكى يا مرارتى
وداوى فيكى ياجراحى
بنام الليل ونا صاحى اعد شويه في خسارتى
وواسى شويه ارباحى
ايام زمان في السبعينات ساعة م جانا الانفتاح
يومها قولنا السوق يا ناس حيكون خلاص سداح مداح
وبنفتكرقال كل شىء بين الادين حيكون متاح
واى شىْء ممنوع عليك راح تلتقيه رجع مباح
ايام ما كان عبد الحليم بيطير لفوق من غير جناح
وكان ساعتها الخطوه بينه وبين حبيب الروح براح
في دى الليالى ودى السنين والناس خلاص مش قلقانين
لمحت ناس راحو بسكات على الدولاب جابوا الشوال
وفكوا حرفه من الدوبار ونفضوا عنه الغبار
وقسموه بالات بالات وغيروا كل العادات
وراحو بيه يشوفوا سوق يحمى الفلوس من اى سوء
سوق فيه بتكسب ميت جنيه لو راح تحط اثنين جنيه
قعدت احلم مع نفسى وقطع في خيوط يأسى
واقول يمكن دا خير جانى وهل عليا مجانى
خلاص راح تلعب البليه وتضحك دنيتى ليا
سوق اسمه بورصة الاوراق يتقابلوا فيه سوا العشاق
ونا من طيبتى وعبطتى جريت رهوان على بلاطتى
وخدت ما شيلته تحتيها عشان انعم بدى الفرصة
ورحت سحبت م التوفير بدون انذار ولا تفكير
ما خفتش لو خسرت كتير ولا فكرت في القرصة
ودايع فك وهات م البك
وزى ما قالوا لما تفك ما حتسك
لاخفت احتاس ولا انداس ولا فكرت زى الناس
وجه خناس ووشوش ليا في ودانى بكل حماس
اخدنى بعيد وودانى وقاللى الفرصة بين ايديك
وان ضاعت يا نورعينى تكون انت بقى الجانى
جريت بفلوسى ع البورصة وقلت لاحت لك الفرصة
فلوس بالزوفة حتجيلك يقيد الحظ قنديلك
وفاتحة الدنيا احضانها وراح تغرف وتديلك
وقلت إدخل ما تسألشى بلاش سمسار بقى وبتاع
خد الخبره خد العبره يا من شارى يا من بياع
واتعلم وروح افهم من البايعين يا م الشاريين
ما هي البورصة لبعض الناس بقت كالدم في الشرايين
دخلت اسمع بقيت اجمع يقولوا حديد
وسهم جديد وربح اكيد اجيب ميات
وده سجاد ونساجون كما المجنون اجيب الوفات
يقولوا سهم اعلامى وحيحقق لى احلامى
اخش عليه ونا حامى
احط سيجار على بقى كانى بقيت حسن كامى
وده محمول ما لوش ديه ما تاخد حبه دا هديه
وده اسمنت عامريه ورقته جامده وعفيه
اعاند نفسى والنيه واروح شارى كذا ميه
وده شرقيه للدخان وحيولع بدون دخان
بيجرى عليه بتوع بره سوى المان سوى اسبان
اروح جارى على البياع اسيب الاسم والعنوان
يقولوا بنوك واسمنتات وادى سماد وكيماويات
وده تشييد ودا مقاولات اقول ع البركه عد وهات
يقولو قطن ومكابس يقولوا غزل وملابس
اقول ماشى واروح كابس
ودول حبة ورق ورخيص حيضرب فوق وصاحبه يهيص
اقول واللا لكون شارى ولو حتى كلام تهجيص
واجمع كل ما اطولوا وادفع زى ما يقولوا
وضاع من عمرى ياما وفات وصارف ع الورق الوفات
ولما احسب طلعت بكام ولما احسب صافي الكوبونات
الاقى فلوسى اتقلت الاقى اديه اتشلت
ولسه بعاني مشكلتى ومشكلتى ولا اتحلت ً
فزورة حلها البورصة
سـوق ساعات يحلى ساعات بيسوء
وعايز فن لما تسوق
يابيكافأك وتربح فيه يا تاخد منه احلى خزوق
يدور على كيفه ومزاجه وتهرب منه تحتاجه
ومهما تسد ابوابه بيفتح تانى ادراجه
ويوم ما بيشكى من عله بتجرى قوام على علاجه
في يوم يبقي كريم خالص يفرق
حبه من خيره ولو يخلص يجيب غيره
ويوم يبقي بخيل ايحه يقدم قهوه يا ساده
يا اما يا دوب على الريحه
ساعات يعلى لفوق خالص ويدّى البعض تفريحه
وبسمه حلوه ومريحه
ويرجع تانى يوم ينزل ويلعب بيك فشر شيحا
ويتمختر طالع نازل تقولشى الحلو مرجيحه
ويوم ينزل ما يطلعشى يضرساعتها بشريحه
تبات زعلانه وجريحه
وناس ثانيه تقوم شاريه وبين الثانيه والتانيه
تعوم في فلوسها سبيحه
ساعات يديها ترييحه لا طالع فوق ولا نازل
يصيب فرحتنا بزلازل
ومهما تداعبه وتغازله بيرفض انه يتغازل
لا نافع فيه نيودلهى ولا لندن ولا بازل
خلاص صمم على الركنه تموت الحركه والساكنه
وتبقي الفاتحه فيه داكنه
واخباره اللى نسمعها تلخبطنا وتربكنا تبرجلنا تلعبكنا
ويبدأ خوف يشكشكنا على فلوسنا
اللى فيه ساكنه لتتدمر مع الراكنه
ومهما نكون جمال صابره بنوصل اننا بركنا
م اصله سوق ساعات يحلى ساعات بيسوء
وعايز فن لما تسوق
يابيكافأك وتربح فيه يا تاخد منه احلى خذوق
مع البورصة
كبعض الناس لانا واعى ولا فاهم
وزى الناس ابات الليل ونا واهم
انام واصحى الاقى حد بينادى
ولما اصحى يقوللى تعالى يا مساهم
ورقتك نازله في البورصة تعالى وبص على الشاشه
تبيع بخساره يافندى يا إما تشيلها كالباشا
حلاقي الخوف يوقفنى واحنا قلوبنا كشاشاه
اقول لأه بلاش احسن وخلى البيعه يوم تانى
اروح والهم طايلنى على صحابى وخلانى
الاقي الهم طايلهم كما طالنى وخلانى
سنين بندم على حظى مع البورصة وسوق المال
ما كنت بعيش نفوخ رايق وحالى زين وعال العال
بنام فايق واقوم فايق ولا فكرت في الترحال
مع الاسهم بديت اقلق واتغير قوام الحال
بنام الليل ونا صاحى اعالج فيكى يا مرارتى
وداوى فيكى ياجراحى
بنام الليل ونا صاحى اعد شويه في خسارتى
وواسى شويه ارباحى
ليست هناك تعليقات:
إرسال تعليق