من غيرك انتى يادموعنا

من غيرك انتى يادموعنا
تبقى الحياه مالهاش معنى
فى الحزن تييجى تشاركينا 
والفرح برضو يدمعنا 

م الدمع له انواع ياما 
مش بس ساعه اوجاعنا
وكل دمع وله عوزه 
وكل دمعه ولها معنى 

فيه دمعه تنزل فى لقانا
ودمعه تنزل فى وداعنا
وحتى ساعه افراحنا 
نبكى ف لقاكو يا اتباعنا

فيه دمع ينزل من عينا  
على حبايب بايعنا
ولجل ما ننسى اساهم  
دموع عيونا بتعنا 

فيه دمع تبكيه جوارحنا
من غدر جارنا اللى فى ريحنا
اللى معاه ياما شاركنا 
وبكينا اكتر ما فرحنا 

ودمع اسمه دموع تماسيح
ما تقدروش لو شفته يسيح
لا صاحبه حد ف مره  اذاه
ولا حد سابه ف مره جريح 

فيه دمع ينزل على توبنا
يبكى قدرنا ومكتوبنا
ودمع ساعه ما بنخطأ 
ودمع ساعه لو توبنا
    
عشان ما يعمل فيك الخير
ينزل فى ساعه لما تعوز
ما يهمهوش فين خط السير 

ودمع لو تسمع  مبروك
من ناس فى فرحك بيشاركوك
ودمعه تجرى كما البنور 
ساعه ما تبقى ف حضن اخوك 

ودموع تسيل عمال بطال
حنفيه خاليه من الاعطال
صاحبها لو جوه مسابقه
يطلع بريمو على الابطال

يادمعه ربى يخليكى

  بيفضفض الانسان بيكى
ولما حاجه تبكينا
تنزاح همومنا على اديكى