بعوز اكتب وكف الايد ماهش قادر على كتابه
بعوز اكتب وكف الايد ماهش قادر على كتابه
عشان بعدك ياروح الروح مغطى عنيه بسحابه
وف غيابك بنام الليل عنيه وحيده وغلابه
بلاش البعد ياحبيبتى يصيبنى البعد بكأبه
وطول ماانتى قصاد عينى كناريه بين وحوش غابه
ماباطلبشى من الدنيا تنولنى طلب تانى
ولا احلمشى بغير حبك اغنى له فى احزانى
ياقطه نايمه فوق صدرى ياريت تدرى
بمقدارك وحجم الحب جوايا
وشوق القلب لميعادك وسعد عنيه بلقاكى
وفرحه صدرى بدفاكى
ياريت مره تشوفى ازاى سباق العين مع التانيه
عشان تنعم برؤياكى
لانك صادقه ووفيه وروحك طاهره ونقيه
مليتى بقلبك الابيض عليا الدنيا حنيه
حبيبتى عشت مش قادر اصدق فرقتك ليا
والقى حبنا النادر يغيب لو يوم على عنيه
وقلبى دا اللى كان طاير فى اجوائك حمام غيه
يضيع منه جمال ريشه وينزل م الفضا بيا
وحضنك دا اللى كان ضامم على صدرى بحنيه
يضيع منى كدا ف لحظه وتحضن ايه بقى عنيه
ياقطه نايمه فى حضنى تدفينى يكفينى
اشوف البسمه فى خدك واشوف سعدك
واحس بقلبى نام جنبك
حبيبه قلبى مش طالب خلاف قربك
ودايما طللى بعيونك عشان لحظه مابلمحهم
يبات القلب متهنى
ليست هناك تعليقات:
إرسال تعليق